Os presupostos de Oroso durante os últimos anos

 O Sr. alcalde e os seus secuaces que o apoian cegamente, que lle expliquen ós cidadáns de Oroso cómo xestionaron semellantes cantidades de diñeiro.

Onde están, en qué obras? Por qué con préstamos e pendentes de pago se deben uns 4 millóns de euros aínda?

Este alcalde é un reo dos que o apoiaron na moción de censura de hai 8 anos. Estánlle dirixindo a política municipal pola súa incompetencia. Aínda continuamos coas seguintes promesos de cando a moción de censura, que aínda non cumplíu:

• A antena de telefonía móbil, a carón da gardería, está aínda sen retirar
• A ampliación da gardería sen ampliar unha sóa plaza
• A ampliación do CEIP e a do IES, continúan coas mesmas plazas como hai 8 anos
• O acceso da autoestrada A9, aínda sen traza 

O Sr. alcalde, en setembro do 2007, recibíu irresponsablemente as obras do polígono industrial da Ulloa  (a cambio de 150.000 euros IVE incluído) sen estar rematados os accesos e sen remata-los servizos, que eran responsabilidade de Xestur: a día de hoxe aínda non hai acceso, nen rotonda nen están rematadas as infraestruturas.

O que sí fixeron foi asfaltar o aparcadoiro do polígono, incumplindo completamente o proxecto e contratando a dedo a obra por 243.000 euros. Obra na que, agora, a lama aflora a través do asfalto.

A especulación urbanística cada día é máis alarmante, agora que lle pregunten ó Sr. alcalde tódo-los veciños que aínda seguen sen licencia de primeira ocupación e metidos nun bó lío pola complicidade deste alcalde cos promotores. Por qué no concello de Oroso seguen construíndo aqueles promotores que curiosamente son os que máis infraccións levan cometido?