Con relación a Operación Campeón

Lendo o da Operación Campeón de Lugo, recórdame un escrito que lle enviei o 26 de outubro de 2006 a D. José Blanco López, que por aquel entón era secretario de organización do PSOE, comunicándolle o comportamento antidemocrático do alcalde de Oroso.

Tamén o 05 de agosto de 2010 enviei unha nota de prensa pedindo que se interviñese o Concello de Oroso por posible corrupción. Nota de prensa.
Nos primeiros de novembro de 2010, o Sr. Blanco visita o Concello de Oroso apoiando a un alcalde, que fora expulsado do propio PSOE por tránsfuga e logo admitido de novo, e eu pregunto porqué este Alcalde foi capaz de conseguir:

1.- a segregación da Barciela incumplindo a Lei sin que votaran os 2 tercios da corporación
2.-a recepción do Polígono Industrial de Sigüeiro- A Ulloa sin que aínda hoxe saibamos qué pasou nin quen ten os terreos das masas común e das pistas da parcelaria.
3.- o incumprimento dos convenios urbanísticos e calar cando algúns propietarios venderon os terreos sin desenrolar e sin cobrarlles o incremento do valor dos terreos e a plusvalía.
4.- a desatención de requerimentos da Xunta de Galicia nos que lle esixían a reposición da legalidade en obras ilegais que a día de hoxe o seguen sendo.
5.- que no Polígono San Martiño II de Oroso, familiares ou amigos seus, participaran na compraventa de terreos sin que ao parecer tiveran pagado o que debían, e sin que ata a data teña actuado a Axencia Tributaria.
6.- a aprobación de presupostos municipais cos informes da Intervención Municipal en contra.
7.- a contratación de persoal e de obras cos informes da Intervención Municipal en contra.
8.- a contratación da dirección de proxectos a socios das súas empresas promotoras prescindindo dos técnicos municipais, namentras que o arquitecto municipal realizaba proxectos para particulares.
9.- en 9 anos e medio, que él e algún amigo, incrementaran escandalosamente o seu patrimonio e o das súas familias, sin que ata este momento nin a Xustiza, nin a Axencia Tributaria se moveran, coñecendo a maioría destes casos e outros máis que existen moi graves.
10.- para poder cometer tantas irregularidades, parece que son necesarios tamén apoios de cargos antidemócraticos.

En Oroso o IGAPE posiblemente cometeu os presuntos erros de Lugo, porque ao parecer tamén houbo grandes concesións de subvencións.
A ver si un día a Xunta de Galicia toma as súas medidas sin que teña que chegar aquí unha xueza como Dª Estela San José Asensio.
Por último, si se confirma a Operación Campeón de Lugo, é grazas a unha señora xueza á que felicito desexándolle moita saúde e sorte. Mágoa que en Galicia non existisen polo menos unha ducia máis de xuezas e xueces como ela.

ELECCIÓNS MUNICIPAIS 2011

Nas eleccións municipais do 22 de maio, o PSOE de Oroso fixo a campaña política máis sucia, indecente e antidemocrática que se recorda na historia deste Concello. Unha campaña política de carácter totalitario e farsante, con falsidades, enganando ós cidadáns de boa fe para que lles votasen e mancillando a quen lle fixo unha oposición honesta e honrada sen dobregarse. Así conseguiron a maioría absoluta, pero carecen de autoridade moral por falta de ética e decencia política. (Tamén Julián Muñoz conseguiu varias maiorías absolutas en Marbella).


O desespero político da dirección do PSOE de Oroso, posiblemente estivera motivado por as circunstancias que xa coñecemos do seu candidato.

De todos os xeitos, esperamos que para ás próximas eleccións municipais, o día de reflexión non se convoque ningunha excursión aos canons do Sil, e o día dás eleccións que tampouco se pida o voto nin se utilice o "carreto" etc, etc,...

Xa Castelao definía o caciquismo como un axente creado e sostido polas inxustizas da lei que ten nos concellos o seu tobo da raposeira caciquil. Tamén dicía: "Irmáns, fuxide sempre dous parvos, non vos arrimedes a eles, porque poden roubarvos algo da vosa razón e transmitirvos a súa parvada; deixádeos paseiar, falar, danzar e medrar non seu mundo, e se algún chega a ser autoridade non mostredes asombro, porque son cousas do sistema que combatemos e dous tempos en que nos cadrou vivir".

Agradecemento e programa do Partido Galeguista

Primeiro Voceiro do Partido Galeguista. Infomando da situación política municipal.

Presentamos o primeiro vocerio do Partido Galegista de Oroso, que data do 1 de Marzo do 2011,  informando da situación da política municipal. Para eso deixamos a continuación un link para a visualización do mesmo:

Pincha aquí para previsualizalo                                   Pincha aquí para descargalo

NOTA DE PRENSA

Manuel Siverio Mirás Liñares, Concelleiro – portavoz do Partido Galeguista de Oroso informa que o goberno municipal de Oroso, composto polo bipartito BNG – PSOE, aprobou o día 18 deste mes os presupostos municipais para o ano 2011, coa ausencia dos 2 concelleiros e 2 concelleiras da Oposición por non respetar os nosos dereitos como membros da mesma, privándonos antidemocráticamente da entrega da documentación que por lei nos pertence co fin de encubrir as súas cacicadas e ilegalidades.

Primeiramente aprobaron facturas de recoñecemento extraxudicial de crédito co informe de Intervención en contra, unha destas facturas de 19.991,88 euros por acondicionamento e carpintería interior da sala de exposicións do Centro Cultural, cando nesta sala non se realizou ningún tipo de traballo de carpintería. Outra factura de 10.217,82 euros a unha arquitecta particular cando o arquitecto municipal co coñecemento do Alcalde está realizando proxectos ou dirección de obras particulares.

Estos presupostos contemplan o pago de intereses e amortizacións para o ano 2011 de 345.502,00 euros, é decir, o Concello terá que pagar diariamente 946,58 euros sin contar o resultado do exercicio do 2010 que non é pequeno, e outros préstamos con carencia que non se contan.

Polo imposto de vehículos no ano 2010 o Concello cobrou 313.482,00 euros e para o 2011 coa subida cobrará 339.605,00 euros. No IBI rústica cobrou no 2010 a cantidade de 48.403,00 euros e para o ano 2011 ten previsto cobrar coa subida a cantidade de 60.677,00 euros. En canto ao IBI urbana cobrou no 2010 673.117,00 euros e para o ano 2011, coa subida, cobrará 766.312,00 euros.

Nestes presupostos aprobaron unha partida de 407.723,00 euros para finalizar a urbanización de Porto Avieira 2ª fase, cando quen tiña que realizar esta obra era a promotora.

Inclúen nestes presupostos 9.281.200,00 euros para a ordenación do polígono 10 de Oroso, cando o levan xa incluindo nos catro últimos presupostos. Inflan os presupostos para baixar a porcentaxe de débeda.

Por último decir que a situación política e económica do Concello de Oroso é demencial. Pese á crisis existente continúan subindo os impostos facendo así que os cidadáns teñan que pagar a súa mala xestión e soportando o clientelismo, nepotismo e o incumprimento da lei na maioría das contratacións das obras, pasando por alto os numerosos reparos da Intervención municipal na aprobación dos distintos presupostos.


Oroso, 20 de xaneiro de 2011.

Asdo. Manuel Siverio Mirás Liñares.